-- IV --
Naiinis talaga ako kung bakit nauso ang mga gaya gaya sa daigdig at isa ako dun, totally hindi ko ginaya ang likha ni bob ong, kung makikita naman lahat ng words na nilagay ko na nanggaling sa master piece niya ay credit niya mismo, ginawa ko lamang batayan ito sa pinopost kong blog at hindi ko yun inangkin. Ang panggaya o Plagiarism hika nga na ayon kay wiki, kapitbahay ni google, ni yahoo, ni facebook at ni twitter sa internet, dinescribe nya as the "wrongful appropriation," "close imitation," or "purloining and publication" of another author's "language, thoughts, ideas, or expressions,". May pagkakahalintulad kami magsulat pero mas nagevolve siya kung baga high level ang dating nya na hindi tulad ko ay isang bagong writer lang, school journalist, news writer at E-I-C ng school paper namin. Kahit noon pa man e ganito na ko magsulat kaya nga minsan pinapagalitan ako kasi masyado daw akong aktibista magsulat at minsan masyado daw akong nagbubunyag e sa ganito ako eeh, wala kayong magagawa sabi nga ni Dr. Jose Rizal " ako'y isang manunulat, ang isang manunulat kahit saan mang aspeto ay kalaban niya ang lahat maging ang sarili niya".
Alam mo may mga ideya talagang nagkakaparehas pero normal sa isang writer ang magkaroon ng isang ideya na kapareha ng isang ideya na may kapareho ring isang ideya. Kapag may nalaman kayong bagay, dapat angkinin nyo na yun at itago ito sa kasuluksulukan ng aparador mo, maging ang isang salita kapag lumabas na sa isang bunganga ng tao at iyong sasalitain ay mababansagan ka ng gayagaya, tama kasi sa kanya unang lumabas ang salita.
Mas nanaiisin ko pang tumalon sa ilog kesa magsulat sa wikang ingles at tama yang nakikita mo. Pinili ko ang Pagsulat ng balita sa wikang filipino kasi mas komportable at mas maiintindihan ko lahat ng nilagay ko dun maging ang pangulong tudling (lead) ng isang balita. Hindi ko din iniisip kong babasahin ng tao ang gawa ko, ang gusto ko lang naman kasi ay maibahagi ang nalalaman ko sa kanila na akma sa kaisipan nila nang sa ganon ay magustuhan nila. Hindi kasikatan ang mithiin ng isang manunulat. Sa pagkakaalam ko nga ilan lang ang nagbabasa nito. Kaya sasabihin ko na sa inyo hindi ako nanggagaya ng likha, kaya hindi ito plagiarise.
Lumabas tayo ng school at usapang kalye tayo. Nakakainis isipin na sa bawat magkakaibigan, nagkakaroon ng mga namumuno, yung tipong susunod sa kanya ang mga kalaro niya at ipaplagiarise lahat ng ginagawa niya- tumalon man sya, lumakad man siya, tumakbo man sya kulang na lang kapag pumunta sya ng kubeta sumama lahat ng taga sunod niya. Naiinis ako sa bading na yun at hanggang ngayon ay hindi ko lubos maisip na kung bakit ko sya naging kaibigan. Kung sa bagay hindi pa kasi nagsisilipat ang mga mukang tao nun sa village namin at unti pa lang kaming nakatira sa street na yun.
Grabe ang impluwensya niya, kulang na lang tumakbo siya bilang senador at malamang, yung mga walangyang kalaro ko ang mga unang boboto. Aaminin ko na nung bata ako gaya gaya ako pero hindi sa paraan na susunod ako sa kanya (hindi pa ko nabubuang at may sarili pa kong utak na nagpapakilos sa aking katawan). Kung ano ang uso dun ako oo pero siguro yung kaibigan kong bakla na yun, ai naku kahit wala sa uso yung ginagawa niya kahit panahon pa ng metal ay talaga naman sinusunod ng mga followers nya (swerte pa nga nun walang twitter).
Siguro lahat ng laruan ng mga kaibigan ko ay meron din ako, ayan sabi ko nga sayo na gaya gaya ako pero hindi ko inangkin ang mga laruan, may manufacturer yun eh. Halos sunod sa luho kaya kahit anong gusto ko ay nasusunod- trumpo, beyblade, crush gear, lets go, teks, pogs, magic card and so for, lahat yan nabili ko. Pero hanggang sa nadedevelope ang utak ko naiisip ko na mali yung ginagawa ko, dapat unique ang binibili kong laruan ng sa ganon ay wala akong kapareho.
Naisip ko din na oo dapat maki ayon ka kung ano ang uso pero sa pananaw ko ay hindi sa lahat ng bagay. Pano nung isinilang ka uso ang abortion, edi yari ka ?! Kung uso yung drugs at lahat ng tao ay makikiuso, san kaya kayo pupulutin? Kaya maswerte ang mga taong hindi umaayon lagi sa uso. Laging tandaan na just be your self! kahit alam mong naglipana sa daigdig ang mga gayagaya. Ang sarili mo ay ang mismong sarili mo na hindi kayang iplagiarise ng iba.
Walang komento:
Mag-post ng isang Komento